Chama cha Taifa cha Walimu Kenya (KNUT) kimesimamisha mgomo uliopangwa kufanyika Alhamisi (tarehe 8 Agosti) baada ya Rais Uhuru Kenyatta kuahidi kujadiliana kuhusu malipo ya mshahara wa Julai wa walimu walio katika mgomo, gazeti la The Standard la Kenya liliripoti.
"Tumepata ahadi za Rais mwenyewe, na matokeo yake ni tumeufuta dhamira yetu ya kufanya mgomo sasa," alisema Katibu Mkuu wa KNUT Mudzo Nzili baada ya kukutana na Kenyatta Ijumaa jioni.
KNUT ilimaliza mgomo wa wiki nne tarehe 17 Julai, lakini ilitishia kurejea katika mgomo wakati Tume ya Utumishi wa Walimu iliposema walimu waliogoma hawatapata malipo ya Julai.
"Huku ni kujaribu kuwaadhibu walimu wanaoshiriki katika mgomo kama ilivyoelezwa katika katiba; sio haki," alisema kiongozi wa KNTU wa Kaunti ya Nyandarua Michael Chege.
Waziri wa Elimu Jacob Kaimenyi pia alitangaza siku ya Ijumaa kwamba serikali itatoa shilingi bilioni 3.9 (dola 45,000) kulipa mishahara ya wafanyakazi na wahadhiri wa chuo kikuu na posho za nyumba ili kuzuia mgomo mpya, Capital FM ya Kenya iliripoti.
Hakuna maoni:
Chapisha Maoni